Title: The significance of consideration paid for post-employment restraints in England and Germany
Abstract: Hierdie artikel is 'n vergelykende analise van die belang van teenprestasie betaalbaar vir post-
indiensnemingsbeperkings in Engeland en Duitsland. Die skrywer gee dit ter oorweging dat
sodanige teenprestasie behoort te verseker dat: die werkgewer die koste van die voordeel wat sy deur 'n beperking van 'n voormalige
werknemer bekom het, sal internaliseer om sodoende sy of haar (die werkgewer se) aanspraak
op buitensporige beperkings aan bande te le;
lLIg die werkgewer die werknemer in verhouding tot die omvang van die beperking sal vergoed
asook in verhouding tot die grootte van die werknemer se gebruiklike vergoeding, maar dan
sonder om voormalige werknemers aan te moedig om gedurende die tydperk wat die beperking
geld, ledig te bly;
lLIg albei partye een of ander objektiewe standaard moet kan uitwys met verwysing waarna die
afdwingbaarheid van die beperking beredeneer kan word en dit op so 'n wyse dat die nodigheid
vir gedingvoering verminder word; en
lLIg die openbare belang gedien sal word deur te verseker dat die werkgewer die werknemer nie kan
bind aan 'n beperking wat die beskerming van enige wettige belang --- selfs al sou 'n
teenprestasie betaal word --- oorskry nie.
Die Engelse howe is geneig om nie op die teenprestasie betaalbaar vir tradisionele post-
indiensnemingsbeperkings te fokus of die toereikendheid daarvan te bepaal nie. Dit word egter
aan die hand gedoen dat al vier die oogmerke hierbo vermeld grotendeels gedien word deur die
Engelse garden leave, 'n kontraksmeganisme waardeur die werkgewer die werknemer haar volle
salaris betaal vir 'n gestipuleerde tydperk van verlof wat op die kennisgewing van die beeindiging
van indiensneming volg. In Duitsland dien die gedetailleerde regulering van teenprestasie
betaalbaar vir post-indiensnemingsbeperkings ingevolge die Kommersiele Kode die eerste
oogmerk gedeeltelik en die laaste drie oogmerke meer volledig, terwyl dit laer koste vir die
werkgewer meebring (potensieel slegs 50% van die voormalige werknemer se vergoeding) en die
werknemer aanmoedig om werk te vind wat nie op die beperking inbreuk maak nie. Die Duitse
bepalings wat aftrekkings vir inkomste gedurende die tydperk van die beperking toelaat, is egter
minder aantreklik want hulle hou nie behoorlik rekening met die belang van die teenprestasie as 'n
teenvoordeel vir nakoming van die beperking nie.
Publication Year: 2005
Publication Date: 2005-01-01
Language: af
Type: article
Access and Citation
AI Researcher Chatbot
Get quick answers to your questions about the article from our AI researcher chatbot