Title: Reason : its kaleidoscopic ideological interface : part 3 - the Ontic Foundations of Rationality
Abstract: Benewens eensydige beklemtonings van die aard van die menslike 'rede'
wat in die loop van die geskiedenis na vore getree het het dit tegelyk ook
'n inhoud ontvang wat swaar gelaai is met ontiese gegewens - tot so 'n
mate dat daar aan die werklikheid self 'n rasionele karakter toegskryf is.
Enersyds kan geen opvatting van die aard van rasionaliteit ontkom aan 'n
diepste grondoortuiging wat rigting daaraan gee nie, en andersyds word
aandag gevra vir die ontiese voorwaardes van rasionaliteit. Dit lei daartoe
dat die beperkinge van die logika onderken moet word - soos tewens blyk
uit die beginsel van toereikende grond wat die denke verwys na die ontiese
gronde buite die logika. Hieraan moet die funderende rol van die beginsel
van die uitgeslote antinomie toegevoeg word - wat tegelyk funderend is vir
die logiese beginsel van non-kontradiksie. Die aard van die beginsel van
die uitgeslote antinomie impliseer dat die menslike rede nie die 'koninklike'
rol besit om in vermeende outonomie die werklikheid na willekeur te (re-)
konstrueer nie, maar dat dit veel eerder die beskeie rol van 'dienskneg'
moet aanneem - in diens van die blootlegging van ontspoorde denke wat
in antinomiee vasloop.Vanuit hierdie gesigspunt word opnuut en in meer
besonderhede ingegaan op Zeno se paradokse, op Kant se siening van
antinomiee en op die antinomiese aard van die aritmetisiem in die
wiskunde. Die problematiek van Kant se siening van rede-antinomiee word
vervolgens behandel en die bespreking word afgesluit met 'n verwysing na
die verhouding van Kant en Hilbert - waar laasgenoemde die gebruik van
die opeens-oneindige wil regverdig met 'n beroep op die Kantiaanse
verantwoording van die gebruik van 'rede-idee' sonder om te besef dat
Kant in sy argumentasie reeds die opeens-oneindige ingespan het.
Publication Year: 2005
Publication Date: 2005-01-01
Language: af
Type: article
Access and Citation
AI Researcher Chatbot
Get quick answers to your questions about the article from our AI researcher chatbot